Grasekkjan skrifar þanka sína.

Jæja það er best að halda áfram að vera dugleg;) Við fórum á skíði á sunnudaginn og ég á eftir að lifa lengi fyrir þann dag! Það bara var svo geðveikt fallegt veður og gott færi á skarðinu! Strax eftir frábæran dag á skíðum að þá skelltum við okkur í sund. það var bara punkturinn yfir i. Síðan bakaði ég pizzu ofan í liðið. Það var gott að fara sofa þreytt og ánægð á sunnudagkvöldið.

En í fyrrinótt að þá var kallað: mamma mér er svo illt í maganum!!! Þá bankaði ælupestin;( Stefán gusaði einusinni hressilega og svo var það samt bara búið. Hann var bara heima í morgunn, en Elísabet fór í skólann. Síðan um hálf 12 var hringt úr skólanum og ég beðin um að sækja hana. Þá var hún komin með í magann. Jæja það er ágætt að ljúka þessu af.

Ég var svo ótrúlega hissa en glöð yfir syni mínum í dag þegar að hann margkallaði á mig og ég var svona hálf upptekin og pirraði mig lítillega á því hvað væri svona áríðandi;/ En fór síðan fram í gang þar sem að hann var á leiðinni út. Drengurinn var búin að taka til inn í forstofu!!! Þó að þetta hljómi nú ekki merkilegt að þá eru þetta undur og stórmerki á þessi heimili. Það er nú bara þannig að það hefur alltaf þurft að biðja hann margoft að gera hlutina. Og ég get næstum svarið fyrir það að hann hefur aldrei tekið til í herberginu sínu. Enda mörg börn með adhd hafa ekki eirð í sér í svoleiðis hluti. Vá hvað ég var glöð! Og ég sá að hann gerði þetta til að gleðja mig.. Hann er að þroskast og breytast blessaður. Og flest allt jákvæðir hlutir. Góðir hlutir gerast hægt.

Hún Stella vinkona mín er búin að vera ofarlega í huga mér undanfarna daga. Sennilega sakna ég hennar bara;) Knús á þig stellan mín.

Bið ykkur öllum góða nótt.

Bara allt fínt að frétta hérna úr Nesbakkanum. Allir jákvæðir og glaðir;) ég er búin að vera vinna á næturvöktum síðustu daga en er búin í bili. Var líka á leikskólanum eftir hádegi í dag. þannig að það má segja að ég sé bara frekar þreytt. 

Það er komin svona hálfgerður vor fílingur í mig. Sólin er farin að skína og rykið er farið að koma í ljós hérna inni hjá mér og ekki neinn snjór hérna í bænum. Bara ljúft. Ingvar er að fara á sjóinn eftir helgi. Úff það verða sko viðbrigði! Það er svo ljúft að hafa hann heima. Fyrstu dagarnir eftir að hann fer eru líka alltaf svolítið erfiðir finnst mér. Líka bara fyrir krakkana.

Og svo fórum við hjúin á sveitablót síðasta laugardag. það er alltaf jafn gaman;)

En jæja ég hef bara ekki nóg og mikið að segja hér til að halda áfram. bið ykkur bara vel að lifa og farið nú vel með ykkur

Við mægur

Ég Hrafnhildur á blóti

Hugga og Hrabba sætar á blóti

Ég og Villa

Frænkurnar Elísabet og Karítas

Vá hvað allt er eitthvað rólegt þessa dagana! Það er í sjálfu sér í lagi að taka því bara rólega og njóta þess. En ég á ekki svo auðvelt með það. Mér hættir það til að leiðast í letinni og það finnst mér svo leiðinlegt! Krakkarnir eru svona út og inn með vinunum og það virðist vera svipað eirðaleysi á þeim. Held að það sé bara þessi tími. Það er ekkert veður í rauninni. Ekki snjór en samt ekki autt, ekki kalt en vindur og dimmt.  En ég leyfi mér ekki að gera ekki neitt. það er kannski líka ókostur;)

Við ætlum að skella okkur á sveitablót næstu helgi með Elínu í miðbæ og co. Það er alltaf svo hrikalega gaman! Ég á að vera á næturvakt þá en var fljót að fá skipti á vöktum;) 

Jæja ætla að láta þetta gott í bili... síjja

Fannst það alveg hrikalega leiðinlegt!!! Kannski 2 - 3 atriði góð.

En það er misjafn hvað fólki finnst og ég var að horfa á ísland í dag og þar var fólk á förnum vegi spurt hvernig því fannst skaupið og Sigurjón Kjartansson var gestur hjá þeim.  Ég bara er viss um að þau hafi bara sýnt þá sem að sögðu að skaupið væri gott! Annað hvort það eða ég er bara með svona lélegan húmor. Ég bara var að vona að þetta yrði ekki svona pólitískt. Það virðist ekkert annað komast að hjá mörgum í dag.

En vonandi skemmtuð þið ykkur vel á gamlárskvöld og Gleðilegt nýtt blogg ár.