Það er nú bara þannig.

Stundum nenni ég ekki að byrja að skrifa bloggfærslu að því að ég veit ómögulega hver fyrirsögnin á að vera! Samt veit ég alveg um hvað ég ætla að skrifa Þetta er bara athyglisbresturinn í mér. Ég sit núna í mínum forláta náttslopp sem að er alveg að verða búin með allan sinn sjarma og krakkarnir farnir í skólann. Þannig að það er bara súper rólegt á bænum. eiginlega svo rólegt að ég bara veit eiginlega ekkert hvað ég á af mér að gera. Ég fæ svona nett í magann þegar að ég lít út í garð og sé allt ruslið og draslið en garð vinna er sennilega bara það leiðinlegasta sem að ég geri!!! ég vil láta rífa trén í garðinum og fá mér girðingu og síðan malbika bara í kringum húsið;) smekklegt! er það ekki?
Ingvar kemur í land  rétt fyrir sjómannadagshelgi og þá reyni ég nú kannski að vera búin að taka til svo að hann geti slegið garðinn. Það er sko eitthvað sem ég geri helst ekki.
En nú er ég búin að lesa yfir þessa færslu hjá mér og sé hvað hún er innantóm þannig að ég ætla bara að hætta í bili. læt fylgja mynd af bekknum hans Stefáns Inga og Villu kennaranum þeirra af skólaskemmtun.